За харин энэ бол Ламбаа гишүүний Лондон дахь маскарадад оролцож байх үеийн зураг. Хунтайж Ульямтай мэндлэхээр дөхтөл хажууд нь харц шидэнгүй зогсож байдаг байгаа даа. Ямар үйлийн лайгаар бид хоёр ч тэнд таарчдагын мэдэхгүй.

Өө энэ ч эртний зураг даа. Зенит аппаратаа дөнгөж зараад Nikon аваад байсан үе минь. Өнгөтөөр дардаг нь цөөхөн байсан болоод ч тэр үү хурим найранд зурагчинаар их уригддаг байлаа. Аз жаргалтай залуухан хос минь өнөөдөр гэр бүлээ цуцлуулсан ч Арвин, Батбаяр гишүүн гэж дуудагддаг хүндтэй хүмүүс болжээ.

Гүндалай гишүүний минь Хөвсгөл далайн дээрэмчин байсан үеийн зураг. Сүхбаатар онгоцоор тэр хавийг чичрүүлж байсан үе дээ.

Баяр сайдыг чөлөөт цагаа зөв боловсон өнгөрүүлж байх үед нь зургийг нь дарах завшаан тохиосон билээ.

Гончигдорж гишүүнтэй анд явах ховорхон боломж тохиосон билээ. 3 чоно, 2 үнэгний тун ч олзтой ан болсон доо.

Дэвид Бекхемтэй уулзаж ахуй мөчид Оюун гишүүнийг далдхан хайрлаж явдаг хийгээд түүний дүрийг өөрийн биеэн дээр шивүүлсэн бяцхан нууцаа надтай хуваалцаж байсан юм.

Чулуунбат гишүүн шинэ мөнгөний бодлогынхоо постерийн зургийг миний биеэр хийлгэж байсан билээ. Монголбанкны терминатораа гэж...

Алтай гишүүн Аяллын цагаа хөтөлж Иракт явж байхдаа Саддам Хусайны тухай нүцгэн үнэнийг дэлгэсэн хэргээр түр саатуулагдаж байсан юм билээ. Курзай гэдэг танил зурагчнаасаа энэхүү зургийг олж авсан юм.

Сайхансамбуу гишүүний хүүхэд ахуй үеийн зургийг патиардаж явлаа.

Оюунхорол гишүүний анхны хайртайгаа авахуулсан зураг. Одоо ч энэ зургаа дэрлэж унтдаг гэнэ лээ шүү.

Алтангэрэл гишүүн бага залуу насандаа нисэхийн спортоор хичээллэж явсан хүн дээ. Энэ зургийг дардаг өдөр мөн ч зэврүүхэн өдөр байж билээ. Гар чичрээд арай гэж фокустай гарсан зураг нь энэ.

Н.Энхбаярын хувьсгалт намын сонгуулийн суртачилгаанд зориулж хийлгэсэн материал. Намын хурлаар хэлэлцээд суртачилгаанд ашиглахгүй гэж шийдвэрлэсэн нь харамсалтай.

Лу.Болд гишүүний хоккейн лигт тоглож байх ахуйн зураг.

Бат-Эрдэнэ аварга гишүүн маань кип копын хамтлагтай байсан юм шүү. Бөхөөр яваагүй байсан бол Эминемээс дутахгүй репперчин байх байсан хүн дээ.

Бат-Үүл гишүүн Оросод айлчлахдаа Думын өвлийн өвгөн болж байсан алтан үе.

Энэ зургыг үзчихээд хүмүүс Нямдорж даргыг тайчдаг, бүждэг байсан гээд цуураад байсан. Яг үнэндээ энэ чинь Нямдорж гэдэг даргатай адилхан Сарандорж гэдэг хүн шүү дээ. Хорвоо дэлхий уудам адил төстэй хүн аль олныг тэр гэхэв.

Энэ зурган дээр ч гэсэн тодруулга хийчихье. Баярцогт гишүүн биш шүү. Ариунцогт гэдэг төстэй төрхтэй бүсгүй. Дуу бичлэгийн нэг студит таараад сонирхолтой санагдаад авсан зураг.

Тэмүүжин гишүүний алтан үеийн зураг даа. Ерэн хэдэн онд хаврын хавсаргатай өдөр хүний эрхийн нээлттэй өдөрлөгөөр талбай дээр таараад авсан зураг.

Лүндээлиза гэх зураг. Лүндээжанцан гишүүний ажлын өрөөнд өлгөөтэй байдаг юм даа. Цаг хугацаа өнгөрөх тусам үнэд орно гэж байгаа. Харин энэ доор түлш эрчим хүчний сайд Зоригт залуу түлшгүй болсон тойргынхоо айлын гадаа сюрприз барихаар ирчихээд байх үеийн патиар.

Эх сурвалж: www.bolod.mn