12-p сар хаяанд ирэхтэй зэрэгцэн дэлхийн томоохон худалдааны төвүүд гол
хаалганыхаа өмнө гацуур модоо засан, шинэ жилийн уур амьсгалыг цагаас нь
эрт бусдад мэдрүүлдэг. Монголын зарим байгууллага ч гацуураа
чимэглэснийг та анзаарсан биз. Тэгвэл Австралийн "The Rocks” гудамж энэ
жил 100 орчим унадаг дугуйнаас бүтсэн гацуураар гоёжээ.
Дизайнер
Антони Шмит хуучин, эвдэрхий дугуйнуудыг цуглуулан эл гацуурыг урласан
бөгөөд он гарсны дараа "түүхий эд”-ээ хаягдал боловсруулах үйлдвэрт
тушаах гэнэ. Тэрбээр амьд гацуур огтлохгүй байх, хогоо дахин
боловсруулахыг уриалан энэхүү ажлыг сэдсэн аж.
Антони
Шмит өмнөх жил эвдэрхий сандал, ундааны сав зэргээр гацуур хийж байжээ.
Дашрамд дурдахад, түүний цахим картаар бүтээсэн гацуур арванхоёрдугаар
сарын 2-нд АНУ-ын Калифорн мужийн Бэй Ареад босох юм байна.
|