Интернэт дон
Ben хэмээх нэгэн залуу өдөр шөнөгүй нэтэд суух донтой. Тэрээр 00-д ороходоо лаптоптойгоо, усанд орохдоо гар утастайгаа, бусад үед десктопынхоо ард Интернэтээс нэг нүдээ ч салгаж чадалгүй суудаг. Тэрээр шөнөжин компьютер тоглоод хэдхэн цаг унтаад л сэрэнгүүтээ эргээд компьютерийн ард наалддаг нэгэн. Үүнийхээ ачаар одоо тэрээр колледжээс хөөгдсөн. Энэ бүхэн нь түүнийг амиа хорлох оролдлого хийх хүртэл нь үргэлжилжээ. Тэрээр зүгээр л компьютерээс яаж ч хичээгээд салж чаддаггүй байсан гэж өнөөдөр хэлж байна.
Одоо тэрээр Иллианоисын Донтолт Эмчлэх төв дээр эмчлүүлж байгаа бөгөөд интернэт донтолт өвчтэй цорын ганц өвчтөн нь. Хамгийн харамсалтай нь одоо түүнд колледж, ажил, жинхэнэ амьдрал аль нь ч байхгүй...

Компьютер тоглоомын дон
Одоо 36 настай бүр 2 ч хүүхдийн ээж Мари гэх эмэгтэй анх 2005 онд World of Warcraft хэмээх тоглоомтой таницсан бөгөөд одоо хүртэл түүнээсээ алхам ч холдож чадахгүй байгаа аж. Тэрээр энэхүү тоглоомыг 4000 цаг тоглосон бөгөөд энэ нь амьдралынх нь 25 хувьтай тэнцэх цаг. Зарим үед эмчилгээ хийлгэх гэж дээд тал нь 1 сар хүртэл завсарлага авч байсан хэдий ч тоглоогүй байх үедээ байнга л нөгөө тоглоом нь бодогдоод байдаг гэж уг эмэгтэй хэлж байна. Мэдээж хэрэг түүний бараг л бүх л цаг компьютерийн ард өнгөрдөг болохоор түүнд хийдэг ажил байхгүй бие нь базаахгүй болсон.

Энэ мэтчилэн дурдаад баршгүй их олон жишээг таны өмнө дэлгэн тавихад тун ч амархан. Эрдэмтэдийн хэлж буйгаар эдгээр донтолтууд нь архи, хар тамхи, кока кола, чихрэнд донтохын нэгэн адил бөгөөд яг тэдэн шиг үйлчилгээтэй аж. Энэ бол жинхэнэ өвчин. Та хүссэн үедээ л больчихно гээд компьютерийн ард үргэлжлүүлэн суугаад л байх уу? Харин тамхи татдаг хүн хүссэн үедээ л больчихдог болов уу?

Залуусаа компьютерийн ард суудаг цагаа багасгаж, жинхэнэ амьдралд сурсан мэдсэн зүйлээ ажил болгон хийж  бүтээцгээе. Нэг л мэдэхэд та тэдний адил донтоод болиход аль хэдийн оройтсон байвал аймшигтайяа. Дахин хэлэхэд энэ бол ӨВЧИН