Бид энэ өдрийг мартах ёсгүй 1998-10-02

Зориг агсний өвөө оросийн газарзүйч байсан бөгөөд Пётр Козловийн ахласан монголыг судлах экспедицийн гишүүн байсан.Тэрээр буриад ястан бөгөөд Иргэний зориг намын Гишүүн С.Оюун-ий ах билээ.Монголын ардчиллийн алтан хараацай С.Зориг 1962 оны 4 сарын 12нд төрсөн.23 дугаар бүрэн дунд сургуулийг төгсч.Москвагийн Ломоносов их сургуулын философийн ангид 1980-1985 онд суралцаж.1986 онд МУИС ийн багшаар ажиллаж байсан ба Монголын шатрын холбооны ерөнхийлөгч,Оюунтүлхүүр" сангийн хүндэт ерөнхийлөгч,Монголын ажил олгогч эздийн нэгдсэн холбооны ерөнхийлөгчөөр ажиллаж байсан юм байна.
Санжаасүрэнгийн Зориг нь 1989 онд МУИС магистрант байхдаа ардчилсан хувьсгалд оролцож, удирдагчийн үүрэг гүйцэтгэсэн.Сүхбаатрын талбайд дээр болж байсан цуглаануудад Монголын Ардчилсан Холбоо зохицуулагчийн хувиар микрофон барин үг хэлж, иргэдийг өөрчлөлтөд уриалж байв.1990 оны 3 сард түүний хүчин зүтгэлээр тэр үеийн эрх баригч Монгол Ардын Хувьсгалт Намын Төв Хороо бүрэн бүрэлдэхүүнээрээ огцорч, Монголын түүхэнд шинэ үе эхэлсэн билээ.1990 оны 6 сард Монголд явагдсан анхны чөлөөт ардчилсан сонгуулиар Улсын Бага Хуралд сонгогдож, дэд ерөнхийлөгчийн албан тушаалд Монголын Ардчилсан Намаас нэр дэвшсэн боловч хөдөөнөөс сонгогдсон депутат олонтой Ардын Их Хурлын депутатууд малчдын амьдралыг мэдэхгүй гэсэн шалтгаанаар хөдөө төрж өссөн Раднаасүмбэрэлийн Гончигдоржийг сонгосон байдаг.1992-1998 онд УИХ-ын гишүүнээр ажиллаж Ардчилсан Холбоо эвслийн хоёр дахь засгийн газар болох Ц.Элбэгдоржийн засгийн газарт Дэд бүтцийн сайдын албыг хашиж байв.1997 онд болсон Ерөнхийлөгчийн сонгуулиар сөрөг хүчин болох Монгол Ардын Хувьсгалт Намаас нэр дэвшсэн Н.Багабанди ялав. 1998 оны 6 сард банкны хямралыг гэтлэхийн тулд улсын өмчийн Сэргээн Босголт Банкийг хувийн Голомт банктай нэгтгэх шийдвэр гаргасан хэмээн сөрөг хүчнийхэн Засгийн газрыг огцруулах саналыг УИХ-д оруулж, Элбэгдоржийн засгийн газар огцорлоо. Дараагийн ерөнхий сайдаар томилуулахаар эрх баригч Ардчилсан Холбоо эвслээс нэр дэвшүүлсэн хүмүүсийг ерөнхийлөгч Багабанди тухай бүрт нь янз бүрийн шалтгаанаар буцаасаар УИХ хуульд заасан хугацаанд ерөнхий сайдыг томилж чадаагүй юм. Элбэгдоржийн засгийн газрын гишүүд үүрэг гүйцэтгэгч гэсэн тодотголтойгоор 4 сар ажиллаж байсан тэр үед буюу 1998 оны 10 сарын 2-нд Зоригийг гэрт нь олон удаа хутгалж амь насыг нь бүрэлгэв. 3 хоногийн дараа түүнтэй салах ёс гүйцэтгэхээр 30000 хүн цуглаж, бүх нийтийн гашуудал зарлаж байлаа.

Түүнийг эрх баригч эвслийнхэн ерөнхий сайдад нэрийг нь дэвшүүлэхээр ерөнхийлөгчтэй зөвшилцөх гэж байсан гэсэн яриа бий. Ямартай ч Монголын ард түмэн энэ хэргийг улс төрийн аллага байсан гэдэгт итгэлтэй байдаг. Уг хэрэг нь амьд гэрч (эхнэр Булган) үлдээсэн боловч өдийг хүртэл илрээгүй. Зоригийн аллагатай холбогдуулж олон хүнийг сэжигтнээр татаж байсан боловч хэн нь ч тус хэрэгт холбоотой нь нотлогдоогүй аж.
Дүү С.Оюун нь 1998 оноос эхлэн Их Хуралд сонгогдон ажиллаж байгаа, Иргэний Зориг Намыг "Зоригийн үйл хэргийг үргэлжлүүлнэ" хэмээн зорилгодоо тусган байгуулсан нам юм

Би монгол хүний саруул ухаанд итгэдэг

Монгол хүн гэдэг өөрөө асар их эрдмийн уурхай

<img src="http://www.duunet.com/news/temp/zorig.gif" alt="" border="0">

Ардчилал чи Сэтгэлийн цусаа урсган байж бүтээсэн Зориг агсний амь амьдрал билээ.Энэ өдрийг бид мартах ёсгүй